Sülhməramlılar Xocalı aeroportunu belə tərk edir - VİDEO
7 May 2024
10:33 - 5 Mart 2024
Fransa 2008-ci ildən bəri konstitusiyaya edilən ilk düzəlişlə abort hüququnu konstitusiyasına daxil edən ilk ölkə olub.
Manset.az-ın xarici mediaya istinadən məlumatına görə, abort hüquqları ilə bağlı qanun layihəsi Konqresdə 72 əleyhinə 780 səslə təsdiqlənib.
Fransa prezidenti Emmanuel Makron sosial media hesabındakı paylaşımında Konqresdə təsdiqlənən abort hüququnun konstitusiya ilə müdafiəsini təmin edən qanun layihəsini Fransanın “qüruru” və “ümumbəşəri mesaj” kimi qiymətləndirib.
Həmçinin, “8 Mart Beynəlxalq Qadınlar Günündə yeni bir azadlığın konstitusiya təminatı almasını” qeyd etmək istədiyini bildirib.
Baş nazir Qabriel Attal da qanunun qəbulu ilə "Fransa dünyaya tarixi mesaj verdi" deyərək vurğulayıb. O, qadınların da öz bədənləri üzərində söz sahibi olmaq hüququna malik olduğu mesajını verib.
Qanun qəbul edildikdən sonra paytaxtın simvollarından biri olan Eyfel qülləsinin üzərinə “Mənim bədənim, mənim seçimim” yazısı proyeksiya edilib.
Əfsanə Rəcəb
Manşet.az
Digər xəbərlər
Xəbər xətti
Ən son xəbərləri səhifəmizdən də izləyin