Yaxın həftələr və ya aylar ərzində tam atəşkəslə bağlı razılığın əldə edilməsi mümkün ola bilər.
Manset.az TASS-a istinadən xəbər verir ki, bu fikri Vladimir Zelenski Çerniqov vilayətinin ərazi icmalarının nümayəndələri ilə görüşündə deyib.
"Düşünürəm ki, bunu mümkün qədər tez, yaxın həftələr, bəlkə də aylar ərzində etmək mümkündür. Fərqli ola bilər, bəzən hər şey bir anda baş verir. Xüsusilə də müharibənin bitməsinin bu hissəsi - qaynar faza, tam atəşkəs".
Martın 18-də Rusiya və ABŞ prezidentləri Vladimir Putin və Donald Tramp telefonla Ukraynadakı vəziyyəti, gərginliyin qarşısının alınması şərtlərini və bir sıra beynəlxalq məsələləri müzakirə ediblər. Kremlin mətbuat xidmətinin məlumatına görə, Putin Amerika liderinin Ukraynadakı münaqişə tərəflərinin 30 gün ərzində enerji infrastrukturu obyektlərinə zərbələrdən qarşılıqlı imtina etməsi təklifi ilə razılaşıb.
