Qəzzaya hava zərbələri nəticəsində 16 fələstinli həlak oldu

09:41 - 2 Aprel 2025

Qəzzaya hava zərbələri nəticəsində 16 fələstinli həlak oldu

İsrail Müdafiə Qüvvələrinin Qəzza zolağının müxtəlif bölgələrini intensiv atəşə tutması və hava hücumları nəticəsində azı 16 nəfər həlak olub.

 

Manset.az xəbər verir ki, bu barədə Qətərin "Əl-Cəzirə" telekanalı tibbi mənbələrə istinadən məlumat yayıb.

Onların məlumatına görə, səhər saatlarından etibarən İsrailin Fələstin anklavında keçirdiyi hərbi əməliyyatlar nəticəsində 16 nəfər həlak olub. Cənubdakı Rəfah və Xan Yunis şəhərləri, eləcə də sektorun mərkəzi hissəsində yerləşən Nuseyrat qaçqın düşərgəsi güclü atəşə məruz qalıb.

Martın 18-də İsrail ordusu Qəzza zolağında hərbi əməliyyatları bərpa edərək, anklav ərazisinə kütləvi zərbələr endirib və bununla da bu ilin yanvarında yaradılmış atəşkəsi pozub. Baş nazir Benyamin Netanyahunun ofisi bunu radikal Fələstinin HƏMAS hərəkatının danışıqlar zamanı vasitəçilər və ABŞ prezidentinin xüsusi nümayəndəsi Steven Witkoff tərəfindən irəli sürülən təkliflərdən imtina etməsi ilə izah edərək, sektordakı əməliyyatın məqsədinin bütün girovları azad etmək olduğunu bildirib. Radikallar hərbi əməliyyatların yenidən başlamasında İsrail və ABŞ-ni günahlandırıblar.


Xəbər xətti

3 Aprel 2025

Ən son xəbərləri səhifəmizdən də izləyin