İlham Əliyevdən Ramazan bayramı ilə bağlı PAYLAŞIM
29 Mart 2025
Trampın ticarət siyasəti Fransa şirkətlərini qəfil yaxaladı
21:00 - 26 Mart 2025
Fransa şirkətləri ABŞ Prezidenti Donald Trampın Avropadan gələn mallara rüsum tətbiq edəcəyini gözləmirdilər, buna görə də onlar restrukturizasiya aparmağa və inkişaf strategiyalarını yenidən nəzərdən keçirməyə məcbur olublar.
Manset.az TASS-a istinadən xəbər verir ki, bu barədə “Le Figaro” yazıb.
Nəşr qeyd edib ki, əvvəlcə Trampın ABŞ-də seçkilərdə qələbəsi Fransa biznesində maraq oyatmışdı. Bütün iri şirkətlər Amerika bazarına xüsusi diqqət ayırmağı planlaşdırırdılar, çünki vergilərin azaldılmasına və dövlət tənzimlənməsinin zəifləməsinə ümid edirdilər.
Qəzetin yazdığına görə, iş adamları dövlət başçısının vəzifəyə başlamasından cəmi iki ay sonra ABŞ-nin əsas ticarət tərəfdaşları olan Meksika, Kanada və Avropadan gələn mallara gömrük rüsumları tətbiq etməyi təklif edəcəyini və ya tətbiq edəcəyini gözləmirdilər.
“Biz yanıldıq”, – fransalı iş adamı “Le Figaro” ilə söhbətində etiraf edib.
“France Industrie” şirkətinin prezidenti Aleksandr Sobonun sözlərinə görə, Trampın çoxsaylı qalmaqallı və ziddiyyətli bəyanatları “qeyri-müəyyənliyi artırır” ki, bu da “həmişə biznesə pis təsir göstərir”.
Nəşr yazıb ki, bəzi Fransa müəssisələri artıq Vaşinqtonun yeni ticarət siyasətinin fəsadlarını hiss etməyə başlayıblar: onların iqtisadi göstəriciləri Amerika bazarındakı zəif nəticələr səbəbindən azalır. Biznesmenlərə görə, Trampın davranışı ABŞ iqtisadiyyatının yavaşlamasına səbəb olur ki, bu da bütün dünyaya yayıla bilər.
Maliyyə təşkilatlarının nümayəndələri “Le Figaro”ya riskləri minimuma endirmək üçün şirkətlərin ABŞ-yə sərmayə qoymaqdan imtina etdiklərini və gözləməyi üstün tutduqlarını deyiblər.
Müəssisələr həmçinin xərcləri azaltmağa və restrukturizasiyaya hazırlaşmağa məcburdurlar. Bir investisiya bankirinin nəşrə dediyinə görə, belə bir durumda “Avropa şirkətləri yenidən maliyyələşdirmə üçün Avropaya qayıdırlar”.
Digər xəbərlər
Xəbər xətti
29 Mart 2025
Ən son xəbərləri səhifəmizdən də izləyin