Daha bir yüksək vəzifəli general-leytenant işdən çıxarıldı
11 Mart 2025
"Tramp metal emalı zavodları tikəcək" - KİV
08:56 - 11 Mart 2025
Kritik minerallar üçün Çinlə rəqabətə görə ABŞ hərbi bazalarında metalların emalı və təkrar emalı müəssisələri tikiləcək.
Manset.az xəbər verir ki, bu barədə "Reuters" məlumat yayıb.
Məlumata görə, bu qərar ABŞ-də əldə edilən kritik mineralların həcmini artırmaq və Çinin bu sənayedə nəzarətinə qarşı çıxmaq üçün verilib. Eyni zamanda agentliyin mənbələri qeyd edir ki, Tramp kritik mineral ehtiyatları yaratmağı planlaşdırmır. Amerika lideri bu barədə müvafiq fərman imzalaya bilər.
Bildirilib ki, keçən həftə o, ABŞ-də kritik mineralların və nadir torpaq metallarının istehsalını kəskin şəkildə artırmaq üçün tarixi addımlar atacağını demişdi.
Agentlik qeyd edir ki, metalların təkrar emalı üçün hərbi bazalardan istifadə Trampın milli təhlükəsizlik üçün kritik minerallara verdiyi əhəmiyyəti vurğulayacaq. ABŞ ordusunun istifadə etdiyi qırıcı təyyarələr, sualtı qayıqlar, güllələr və digər silahlar Pekinin emal etdiyi minerallardan hazırlanır. Agentliyin mənbələri əlavə edib ki, planlar müzakirə olunur və Tramp sərəncam imzalamadan əvvəl dəyişə bilər.
Digər xəbərlər
Xəbər xətti
11 Mart 2025
Ən son xəbərləri səhifəmizdən də izləyin