Sertifikasiya imtahanı verəcək müəllimlərin NƏZƏRİNƏ Manset.az

Sertifikasiya imtahanı verəcək müəllimlərin NƏZƏRİNƏ

21:44 - 4 Mart 2025

Təhsil İnstitutu təhsilverənlərin sertifikatlaşdırılması prosesinin test mərhələsi üçün qiymətləndirmə çərçivəsini açıqlayıb.

Manset.az xəbər verir ki, informatika fənni üzrə sertifikatlaşdırma imtahanında namizədlərə ümumilikdə 4 mövzudan ibarət 50 sual təqdim olunacaq. Müəllimlər İnformasiya və informasiya prosesləri mövzusundan 11 sual, Formallaşdırma, modelləşdirmə, alqoritmləşdirmə və proqramlaşdırma mövzusundan 25 sual, Kompüter, informasiya və kommunikasiya texnologiyaları və sistemləri üzrə 12 sual, Cəmiyyətin informasiyalaşdırılması mövzusundan isə 2 sual cavablandırmalı olacaqlar.

Sertifikatlaşdırma imtahanı üçün müəyyən edilən məzmun sahələri və müvafiq mövzular aşağıdakılardır:

İnformatika və əsas anlayışlar:

- İnformasiyanın kodlaşdırılması

- Say sistemləri

- Məntiqi əməllər

Kompüterin texniki və proqram təminatı:

- Kompüterin texniki təminatı

- Əməliyyat sistemləri (Microsoft Windows)

- Proqram təminatı və onun təsnifatı

- Offıce proqramları:

- Microsoft Word (mətn prosessoru)

- Microsoft Excel (cədvəl prosessoru)

- Microsoft PowerPoint (elektron təqdimat proqramı)

- Verilənlər bazası və onun idarəedilməsi (Microsoft Access)

Alqoritmləşdirmə və proqramlaşdırma:

- Alqoritmləşdirmə prinsipləri

- ALPLOGO mühitində proqramlaşdırma

- Python proqramlaşdırma dili

- HTML dili

Model və informasiya sistemləri:

- Modelləşdirmə anlayışı və qraf informasiya modeli

- Kompüter qrafikası

- Kompüter modeli

- İnformasiya sistemləri və onların elementləri

- Süni intellekt sistemləri

- Axtarış sistemləri

İnformasiya təhlükəsizliyi və şəbəkələr:

- İnformasiya sistemlərində təhlükələrin təsnifatı

- İnformasiyanın qorunması üsulları

- Kompüter şəbəkələri və internet

- İnformasiya cəmiyyəti

Qeyd edək ki, imtahanda bütün fənlər üzrə suallar ümumi təhsil müəssisələrində istifadə olunan dərsliklərə əsaslanır. (Təqdim edilən mövzular daha çox diqqət yetirilməli olanlardır).

Xatırladaq ki, sertifikatlaşdırma imtahanında iştirakçıların bilik və bacarıqları nəzəri və praktik formada yoxlanılır. Eyni zamanda, fənlər üzrə metodika və pedaqogika bilikləri də qiymətləndirilir. Namizədlərin tətbiqetmə, təhliletmə, problem həll etmə və digər bacarıqları praktik və situativ suallar vasitəsilə ölçülür.