Azərbaycana başsağlığı verdilər

Azərbaycana başsağlığı verdilər - YENİLƏNİB

18:07 - 26 Fevral 2025

Niderlandın Bakıdakı səfirliyi Xocalı soyqırımının 33-cü ildönümü ilə əlaqədar paylaşım edib.

Manset.az xəbər verir ki, paylaşım səfirliyin sosial şəbəkədəki səhifəsində yerləşdirilib.

"Bu gün biz 1992-ci ildə Xocalı hadisələri zamanı dinc əhalinin həlak olması ilə əlaqədar Azərbaycan xalqının matəminə qoşuluruq", - paylaşımda bildirilib.

***

ABŞ-nin müvəqqəti işlər vəkili Hüqo Qevara: “Bu gün biz Azərbaycan xalqı ilə birgə 1992-ci ildə Xocalıda şəhid olanların xatirəsini ehtiramla yad edir, onların ailələrinə və yaxınlarına dərin hüznlə başsağlığı veririk”.

***

Fransanın Bakıdakı Səfirliyi də Azərbaycana başsağlığı verib.

“Bu gün Xocalı qurbanlarının xatirəsini ehtiramla yad edir, bütün Azərbaycan xalqına başsağlığı veririk” – deyə səfirliyin “X” hesabında edilən paylaşımda deyilir.

***

İsrailin Azərbaycandakı səfiri Corc Dik Xocalı soyqırımının 33-cü ildönümü ilə əlaqədar Azərbaycana başsağlığı verib.

Manset.az xəbər verir ki, bu barədə Dik sosial şəbəkədəki səhifəsində paylaşım edib.

"Bu gün biz 1992-ci il Xocalı faciəsində həlak olanların xatirəsini ehtiramla yad edirik. İsrail adından Azərbaycan xalqına başsağlığı verirəm", - diplomat qeyd edib.

Səfir belə cinayətlər qarşısında İsrail və Azərbaycanın birliyini vurğulayıb:

“Bu cür faciələr bizə nifrətə və ədalətsizliyə qarşı birləşərək ümumi insanlığımızı müdafiə etmək borcumuzu xatırladır”.

***

Türkiyənin Xarici İşlər Nazirliyi də “X” hesabında paylaşım edərək Xocalı qurbanlarını yad edib.

Manset.az xəbər verir ki, paylaşımda deyilir:

“33 il əvvəl Xocalıda qətlə yetirilən günahsız azərbaycanlı bacı-qardaşlarımızın əziz xatirəsini rəhmət və hörmətlə anır, Can Azərbaycanın kədərini qəlbimizdə daşıyırıq”.

***
Pakistanın Azərbaycandakı səfiri Qasım Mohiuddin isə paylaşımında ölkəsinin Xocalı soyqırımının qurbanlarının xatirəsini ehtiramla yad etdiyini, eləcə də Pakistanın Azərbaycanla həmrəy olduğunu diqqətə çatdırıb.

***

Böyük Britaniyanın Azərbaycandakı səfiri Fergus Auld Xocalı soyqırımının 33-cü ildönümü ilə bağlı paylaşım edib.

Manset.az xəbər verir ki, səfirin “X” hesabında edilən paylaşımda deyilir:

“Xocalı faciəsindən 33 il ötur. Bütün azərbaycanlılarla birgə bu faciənin qurbanlarını yad edirəm. Allah rəhmət eləsin!”