Prezident Pakistan Senatının sədrini qəbul etdi
20 Fevral 2025
“Sputnik”i Azərbaycana Ramiz Mehdiyev-Əli Həsənov cütlüyü gətirib" - VİDEO
12:46 - 17 Fevral 2025
Real TV-nin rəhbəri Mirşahin Ağayev Azərbaycanda fəaliyyət göstərən “Sputnik Azərbaycan”la bağlı sensasion fikirlər səsləndirib.
Manset.az xəbər verir ki, o, bu barədə müəllifi olduğu “Mir Şahinin vaxtı” verilişində çıxış edib. Jurnalist sözügedən media orqanının Prezident Administrasiyasının sabiq şöbə müdiri Əli Həsənov və Prezident Administrasiyasının keçmiş rəhbəri Ramiz Mehdiyevin razılığı ilə ölkəyə gətirildiyini bildirib:
“Təxminən 10 il əvvəl “Sputnik Azərbaycan”la bağlı məqalə yazmışdım. Təəssüf ki, indi tapmaq mümkün deyil. Çünki həmin zaman Əli Həsənov məqaləni dərhal yığışdırmağımı tələb etdi. Məqalə “Sputnik Azərbaycan”nın bağlı olduğu “Rossiya Seqodnya” Beynəlxalq İnformasiya Agentliyi, şəxsən Marqarita Simonyanın redaksiya siyasəti haqqında idi. Bütün cəhdlərimə baxmayaraq, Əli Həsənovu haqlı olduğuma inandıra bilmədim, məqaləni yığışdırmağa məcbur olduq. İndi isə aydın olur ki, “Sputnik Azərbaycan”ı ölkəmizə elə Ramiz Mehdiyev-Əli Həsənov cütlüyü rəhbərliklə razılaşdırmadan gətiribmiş”.
M.Ağayev prosesin 2006-cı ildə baş verdiyini qeyd edib:
“Həmin tarixdə “RİA Novosti” agentliyinin Azərbaycanda rəsmi nümayəndəliyinin yaradılması müzakirə olunmağa başlayır. Agentliyin nümayəndə heyəti Azərbaycana gələrək Ramiz Mehdiyevlə görüşür. Bundan sonra “RİA Novosti”nin Bakı filialı yaradılır, Azərbaycan xəbərləri Beynəlxalq İnformasiya Agentliyi və Beynəlxalq Mətbuat Mərkəzi açılır. 2015-ci ildə isə Azərbaycan Xəbərləri Agentliyi əvəzinə “Sputnik Azərbaycan” və onun radio redaksiyası fəaliyyətə başlayır”.
Qeyd edək ki, ötən həftə Azərbaycanda “Sputnik-Azərbaycan” və “BBC News Azərbaycanca”nın redaksiyalarının bağlanacağı haqda məlumatlar yayılıb. Bildirilir ki, bu qərar Azərbaycanın dövlət mediasının xaricdə və xarici jurnalistlərin ölkəmizdə fəaliyyətində pariteti təmin etmək məqsədilə qəbul edilib.
Digər xəbərlər
Xəbər xətti
20 Fevral 2025
Ən son xəbərləri səhifəmizdən də izləyin