Bu qurumların da əməkdaşlarının gəlirləri artacaq Manset.az

Bu qurumların da əməkdaşlarının gəlirləri artacaq

17:44 - 27 Yanvar 2025

Səfərbərlik və Hərbi Xidmətə Çağırış üzrə Dövlət Xidmətinin həqiqi hərbi xidmət hərbi qulluqçularının aylıq vəzifə maaşları orta hesabla 10 faiz artırılıb.

Manset.az xəbər verir ki, Prezident İlham Əliyev bununla bağlı Fərman imzalayıb.

Nazirlər Kabinetinə Fərmandan irəli gələn məsələləri həll etmək tapşırılıb.

Səfərbərlik və Hərbi Xidmətə Çağırış üzrə Dövlət Xidməti və Maliyyə Nazirliyi Fərmandan irəli gələn məsələlərin həlli üçün zəruri tədbirlər görməlidirlər.

Fərman 2025-ci il yanvarın 1-dən tətbiq edilir.

***

Azərbaycan Respublikası Fövqəladə Hallar Nazirliyinin həqiqi hərbi xidmət hərbi qulluqçularının və xüsusi rütbəsi olan əməkdaşlarının aylıq vəzifə maaşları orta hesabla 10 faiz artırılıb.

Manset.az xəbər verir ki, bu barədə Prezident İlham Əliyev Fərman imzalayıb.

Nazirlər Kabineti bu Fərmandan irəli gələn məsələləri həll etməlidir.

Fövqəladə Hallar və Maliyyə nazirlikləri bu Fərmandan irəli gələn məsələlərin həlli üçün zəruri tədbirlər görəcəklər.

Bu Fərman 2025-ci il yanvarın 1-dən tətbiq edilir.

***

Azərbaycanın dövlət büdcəsindən maliyyələşən bəzi dövlət orqanlarının dövlət qulluqçusu olmayan mülki işçilərinin (Vahid Tarif Cədvəli əsasında əməkhaqqı alan işçilər istisna olmaqla) aylıq tarif (vəzifə) maaşları orta hesabla 10 faiz artırılıb.

Manset.az xəbər verir ki, Prezident İlham Əliyev bununla bağlı Fərman imzalayıb.

Həmin dövlət orqanları aşağıdakılardır:

- Müdafiə Nazirliyi;

- Daxili İşlər Nazirliyi;

- Fövqəladə Hallar Nazirliyi;

- Dövlət Sərhəd Xidməti;

- Daxili İşlər Nazirliyinin Daxili Qoşunların Baş İdarəsi;

- Ədliyyə Nazirliyinin Penitensiar xidməti və Tibb baş idarəsi;

- Dövlət Gömrük Komitəsi;

- Azərbaycan Səfərbərlik və Hərbi Xidmətə Çağırış üzrə Dövlət Xidməti;

- Dövlət Təhlükəsizliyi Xidməti;

- Xarici Kəşfiyyat Xidməti;

- Dövlət Miqrasiya Xidməti;

- Prezidentin Təhlükəsizlik Xidməti;

- Xüsusi Rabitə və İnformasiya Təhlükəsizliyi Dövlət Xidməti;

- Azərbaycanın Strateji Obyektlərin Mühafizəsi Dövlət Agentliyi