Xalq artisti Ənvər Həsənov insult keçirib - Xəstəxanaya yerləşdirildi
19 Yanvar 2025
Azərbaycanlı professor komaya düşdü - FOTO
15:12 - 19 Yanvar 2025
Filologiya elmləri doktoru, professor Nizaməddin Şəmsizadə komaya düşüb.
Manset.az Report.az-a istinadən xəbər verir ki, bu barədə professorun qızı, jurnalist Ayfər Feyziyeva məlumat verib.
Onun sözlərinə görə, professor hazırda reanimasiyadadır.
“Vəziyyəti ağırdır, süni tənəffüs aparatına qoşulub. Həkimlər sepsis diaqnozu qoyublar”.
Qeyd edək ki, Nizaməddin Şəmsizadə 1954-cü ildə Qubanın İspik kəndində anadan olub. O, 1977-ci ildə Azərbaycan Dövlət Universitetinin Filologiya fakültəsini bitirərək 1982-ci ildə namizədlik, 1990-cı ildə doktorluq dissertasiyaları müdafiə edib.
N.Şəmsizadə 10-dan çox monoqrafıyanın, bir sıra hekayə, şeir və esselər kitablarının, 250-dən çox ədəbi-tənqidi, elmi-nəzəri və fəlsəfi-publisistik məqalənin, eləcə də ölkənin ali məktəblərində tədris olunan "Ədəbiyyat nəzəriyyəsi" adlı fundamental dərsliyin müəllifidir. O, elmi xidmətlərinə görə akademik Y.Məmmədəliyev mükafatının laureatıdır.
Prezident İlham Əliyevin Sərəncamı ilə Nizaməddin Şəmsizadə "Heydər Əliyev və Azərbaycan ədəbiyyatı" kitabına görə Dövlət Mükafatına layiq görüb. 2019-cu ildə isə ölkə başçısının müvafiq Sərəncamına əsasən, Bakı Dövlət Universitetinin 100 illiyi münasibətilə və Azərbaycanda təhsilin və elmin inkişafındakı xidmətlərinə görə "Əməkdar elm xadimi" fəxri adına layiq görülüb.
Digər xəbərlər
Xəbər xətti
19 Yanvar 2025
Ən son xəbərləri səhifəmizdən də izləyin