İcra başçıları Bakıda bina tikə bilməyəcək - "Tikinti maqnatları"na qadağa
10 Yanvar 2025
"Azər Baxşəliyev orqan nəqlindən özü imtina edib" - Direktor danışdı
14:38 - 10 Yanvar 2025
Aktyor Azər Baxşəliyev donor transplantasiyası əməliyyatından könüllü imtina edib.
Manset.az APA TV-yə istinadən xəbər verir ki, bu barədə Orqan Donorluğu və Transplantasiyası üzrə Koordinasiya Mərkəzinin direktoru Yeganə Abbasova müsahibəsində bildirib.
O, Azər Baxşəliyevə 4 il əvvəl böyrək transplantasiyasının icra edildiyini xatırladıb.
“Onun donoru anası idi. 4 ildən sonra təkrar qohum olmayan donorla müraciət edildi. Bütün sənədlər hazırlanmışdı, donordan razılıq alınmışdı, notarial təsdiq edilmişdi və sənədlər tam hazır halda Etika Komissiyasına göndərilmişdi. Azər Baxşəliyev özü əməliyyatdan (orqan nəqlindən) imtina etdi. Səbəb əməliyyatdan sonra donor üçün olan risklər idi. Bununla bağlı ərizə var və orada könüllü imtina halı qeyd edilib”, - Mərkəzin direktoru vurğulayıb.
Xatırladaq ki, böyrək çatışmazlığından əziyyət çəkən aktyor yanvarın 1-də xəstəxanaya koma vəziyyətində daxil olub. Yanvarın 2-də ürəyi dayanmış, həkimlərin səyi ilə ürək fəaliyyəti bərpa edilmişdi. O, yanvarın 5-də vəfat edib.
Digər xəbərlər
Xəbər xətti
10 Yanvar 2025
Ən son xəbərləri səhifəmizdən də izləyin