Azərbaycanın tanınmış alimi vəfat etdi - FOTO
10 Yanvar 2025
Ayxan Hacızadə Paşinyana cavab verdi
17:37 - 9 Yanvar 2025
Azərbaycan Xarici İşlər Nazirliyinin mətbuat katibi Ayxan Hacızadə özünün "X" sosial şəbəkəsində Ermənistanın Baş naziri Nikol Paşinyana yönəlik sərt mövqeyini ifadə edib.
Manset.az xəbər verir ki, Hacızadə, Paşinyanın regionda sülh və sabitlik qurmaq üçün səsləndirdiyi bəyanatların səmimiliyini şübhə altına alaraq bildirib ki, yalnız sözlər yetərli deyil:
"Cənab Baş nazir, icraatınız sözlərinizdən daha güclü olmalıdır".
Mətbuat katibi, Ermənistan hökumətinin "sülhsevər ritorika"sının əsas məqamı - dövlətlərin ərazi bütövlüyünə və suverenliyinə hörmət prinsipini gözardı etdiyini vurğulayıb.
Hacızadə sual edib: "Əgər Ermənistan qonşuları ilə sülh yaratmaqda həqiqətən maraqlıdırsa, nəyə görə "Qərbi Ermənistan" və "Dağlıq Qarabağ Respublikası" kimi iddialardan imtina prosesinə başlamaqdan imtina edir? Xüsusilə də bu iddiaların Ermənistan Konstitusiyasında və milli qanunvericiliyində yer aldığı halda".
Azərbaycan rəsmisi qeyd edib ki, Ermənistanın bu mövzu üzrə arqumentləri onların sülh niyyətlərinin təsdiqi kimi qəbul edilə bilməz. Hacızadə Ermənistan rəhbərliyini konkret və real addımlar atmağa çağırıb və bildirib ki, yalnız belə addımlar sülh və sabitlik üçün əsas yarada bilər.
Məlumat üçün bildirək ki, Hacızadənin bu paylaşımı geniş müzakirələrə səbəb olub və Ermənistan hökumətinin niyyətləri ilə bağlı sualları artırıb.
So, what does it all really mean?
Mr. Prime Minister @NikolPashinyan, let your deeds speak louder than words.
Interestingly, your “peace-loving narrative” avoids the most important pillar of establishing lasting peace and stability in the region, which is the respect of… https://t.co/0a7e6CK2dy — Aykhan Hajizada (@Aykhanh) January 9, 2025
Digər xəbərlər
Xəbər xətti
10 Yanvar 2025
Ən son xəbərləri səhifəmizdən də izləyin