Putin İlham Əliyevdən üzr istədi
29 Dekabr 2024
Qəzada xəsarət alan iki azərbaycanlının təxliyəsi ilə bağlı həkimlər konsilium keçirəcək
15:05 - 28 Dekabr 2024
Aktau yaxınlığında baş vermiş təyyarə qəzasından sonra Manqistau vilayət çoxprofilli xəstəxanasında müalicə alan iki azərbaycanlının təxliyəsi məsələsi ilə bağlı həkimlərlə konsilium keçirilməsi planlaşdırılır.
Manset.az Report-a istinadən xəbər verir ki, bu barədə ölkənin Səhiyyə Nazirliyi məlumat yayıb.
"Təyyarə qəzasında xəsarət alan iki azərbaycanlının təxliyəsi məsələsi üzrə həkimlərlə konsilium keçirilməsi və onların daşınmağa hazırlığının qiymətləndirilməsi planlaşdırılır. Xəstələr müxtəlif travmalarla, əsasən çoxsaylı zədələnmələrlə - qapalı kəllə-beyin travması, beyin silkələnməsi, döş qəfəsinin qapalı travmaları, travmatik şokla daxil olublar", - Səhiyyə Nazirliyindən bildirilib.
Bundan əlavə, qeyd edilib ki, Qırğızıstanın səhiyyə orqanları ilə xəsarət alan üç nəfərin daşınması məsələləri işlənilir, onlardan ikisi daşına bilər, biri ağır vəziyyətdədir.
Nazirlikdən bildirilib ki, təyyarə qəzasında xəsarət alan altı nəfərin vəziyyəti stabilləşib.
"Bu gün xəstəxanada altı nəfər müalicə alır. Onlardan dördü reanimasiya şöbəsində, ikisi travmatologiyadadır. Vəziyyətlərində pisləşmə müşahidə olunmur", - qurumdan bildirilib.
Digər xəbərlər
Xəbər xətti
29 Dekabr 2024
Ən son xəbərləri səhifəmizdən də izləyin