"Qarabağ" "Lion"a məğlub oldu - YENİLƏNİB
29 Noyabr 2024
Məşhur fermer vəfat etdi: Heydər Əliyev avtomobil hədiyyə etmişdi - FOTO
21:25 - 28 Noyabr 2024
Azərbaycanda pambıqçılıq sahəsində zəngin təcrübəyə malik, tanınmış fermer Lətif Cəfərov dünyasını dəyişib.
Manset.az xəbər verir ki, bu barədə iqtisadiyyat.az-a onun yaxınları məlumat verib.
Bildirilib ki, "Tərəqqi" medallı tanınmış pambıqçı L.Cəfərov bu gün 88 yaşında dünyasını dəyişib.
Qeyd edək ki, Cəfərov Lətif Xanhüseyn oğlu 1936-ci il sentyabrın 9-da Biləsuvar rayonunun Yuxarı Cürəli kəndində anadan olub. 1955-ci ildə Salyan rayon Kənd Təsərrüfatı Texnikumunu bitirib. 1956-ci ildən Biləsuvar rayonu "Azərbaycan" kolxozunda aqronom-entimoloq işləməyə başlayıb.1958-ci ildən 1983-cü ilə kimi həmin kolxozda pambıqçı briqadir və sürücü mexanizator işləyib. 1974-cü ildə pambıq yığımında göstərdiyi yüksək nailiyyətə görə Ümummilli Lider Heydər Əliyev tərəfindən "Qaz-24" markalı avtomobillə mükafatlandırılıb. O, "Qırmızı əmək bayrağı" ordeni, "Əmək veteranı" ordeni, "Əmək" və digər medallarla təltif edilib.
2017-ci ildə Azərbaycan Respublikasının Prezidenti cənab İlham Əliyev tərəfindən "Tərəqqi" medalı ilə təltif edilib.
L.Cəfərov 2017-ci ildən Respublika üzrə Fermerlər Şurasının üzvü olub. 1996-cı ildən vəfat edənə qədər pambıqçı kimi fəaliyyət göstərib.
10 övladı, 31 nəvəsi və 17 nəticəsi var.
Digər xəbərlər
Xəbər xətti
29 Noyabr 2024
Ən son xəbərləri səhifəmizdən də izləyin