Bel ağrısı cəmiyyətdə ən çox yayılmış sağlamlıq problemlərindən biri kimi qiymətləndirilir.
Manset.az-ın məlumatına görə, xüsusilə, ofis işçiləri uzun müddət oturaraq və ya ayaqüstə işləyənlər, gündəlik həyatında az hərəkət edənlər bel ağrıları ilə daha çox qarşılaşırlar.
Ekspertlər bildirir ki, 40 dəqiqədən çox oturmaq onurğa sağlamlığına zərər verir.
Əsasən də, pandemiyadan sonra insanların oturaq həyat tərzi, idmansız və hərəkətsiz gündəlik rejimləri bel problemlərinin artmasına səbəb olub.
Mütəxəssislər iş mühitində fasilələrlə ayağa qalxmaq, sadə hərəkətlər və qısa məşqlər tətbiq etməklə bu problemlərin qarşısını almağın mümkün olduğunu vurğulayıb.
