Mövsümün əvvəlində “Qalatasaray”a keçdikdən sonra azarkeşlərin sevimlisi olan Viktor Osimhenin yeni mövsümdə hansı komandada oynayacağı qeyri-müəyyən olaraq qalır.
Manset.az xarici mediaya istinadən xəbər verir ki, Osimhen uğrunda yarışda "Qalatasaray" masada olsa da, sarı-qırmızılılar futbolçu ilə bağlı yekun qərarı gözləyir.
Mətbuata görə, Osimhenin İstanbul klubunda qalma ehtimalı aşağıdır.
Buna görə də, klub yeni hücumçu axtarışındadır. Fransa mətbuatı sarı-qırmızılıların Osimhenin yerinə Randal Kolo Muani ilə maraqlandığını yazır. Mövsümün ortasında PSJ-dən "Yuventus"a icarəyə verilən Kolo Muani İqor Tudorun təyinatı ilə formasını itirib.
Xəbərdə Kolo Muani ilə "Qalatasaray"dan başqa "Mançester Yunayted", "Arsenal" və "Tottenhem" kimi komandaların da maraqlandığı bildirilib.
PSJ 2023-24 mövsümünün əvvəlində Kolo Muanini "Ayntraxt Frankfurt"dan 95 milyon avroya transfer edib. PSJ onu transfer edərkən bazar dəyəri 80 milyon avro olan fransız forvard indi 30 milyon avroya düşüb.
