Kriştiano Ronaldonun sərvəti rekord həddə çatıb.
Manset.az xəbər verir ki, Portuqaliya İdarəetmə və Marketinq İnstitutu (IPAM), Ronaldonun şəxsi markası olan "CR7"ni 6 fərqli kateqoriya üzrə qiymətləndirərək, onun ümumi dəyərinin 2025-ci ildə 850 milyon avroya çatdığını açıqlayıb.
IPAM-ın hesabatına əsasən, Ronaldo hazırda Səudiyyə Ərəbistanının "Al Nassr" klubundan illik 200 milyon avro qazanır. Bundan əlavə, Nike, Tag Heuer və Louis Vuitton kimi dünya brendləri ilə imzaladığı reklam müqavilələri sayəsində illik gəliri 150 milyon avronu ötür.
