Son günlər Manşet.az xəbər portalının baş redaktoru Əli Vəliyevlə sosial mediada mübahisələri yayılan müğənni Manaf Ağayevin polisə aparılması ilə bağlı məlumat yayılıb.
Manset.az Gununsesi.info-ya istinadən xəbər verir ki, buna səbəb kriminal aləmin nümayəndəsi kimi özünü təqdim edən bir şəxsin jurnalisti hədələməsi olub.
Məsələ ilə bağlı Manaf Ağayevlə əlaqə saxlanılıb. Müğənni bildirib ki, o, Nərimanov Rayon Polis İdarəsinə dəvət olunub:
“Məni saxlamayıblar. Zənglə dəvət ediblər, mən də gəlmişəm. Əliyə kimsə zəng edibsə, bunu mən bilmirəm. Deyirlər ki, guya balaca qardaşımdı. Evimizdə kiçik qardaş mənəm. Araşdırırlar, mən də çıxıram.”
