Türkiyənin Samsun şəhərində baş verən torpaq sürüşməsi faciə ilə nəticələnib.
Manset.az-ın məlumatına görə ki, axşam saatlarında qeydə alınan hadisədə torpaq sürüşməsi nəticəsində bir yanacaqdoldurma məntəqəsinin avtoyuma hissəsinə iri qaya parçaları düşüb.
İlkin məlumata əsasən, qaya parçalarının altında qalan avtomobildə bir ailəyə məxsus 4 nəfər olub. Hadisə yerinə dərhal çox sayda axtarış-xilasetmə, təcili yardım və polis qrupları cəlb edilib. Xilasedicilər ananı sağ şəkildə avtomobildən çıxara bilsələr də, həyat yoldaşı və iki azyaşlı uşağın cansız cəsədləri tapılıb.
