Kanada ruslara bir sıra xidmətlərin göstərilməsini qadağan edib.
Manşet.az xəbər verir ki, siyahıya 28 xidmət daxildir.
“Kanada Rusiyaya aid Xüsusi İqtisadi Tədbirlər Qaydalarına əlavə dəyişikliklər edib, Rusiyanın neft-qaz və kimya sənayesinə texniki, idarəetmə, mühasibat uçotu və reklam xidmətləri də daxil olmaqla 28 xidmətin göstərilməsini qadağan edir”, - XİN-in məlumatda deyilir.
Sanksiyalar iyunun 7-dən qüvvəyə minib.
Kanadada və ölkədən kənarda yaşayan kanadalılara Rusiya və ya Rusiya vətəndaşlarına aşağıdakı xidmətləri göstərmək qadağandır:
tikinti işləri;
motor yanacağının pərakəndə satışı;
yanacaq, metal, filiz, taxta, tikinti materialları və sənaye-texniki kimyəvi maddələrin ödənişli və ya müqavilə əsasında satışı;
bərk, maye və qaz yanacaqlarının və əlaqədar məhsulların topdansatış ticarəti xidmətləri;
mazut, qablaşdırılmış qaz, kömür və odunun pərakəndə satışı;
şəxsi və məişət əşyalarının təmiri xidmətləri;
digər mənzil xidmətləri;
neft və təbii qazın nəqli;
su nəqliyyatı xidmətləri, yük daşımaları;
su nəqliyyatı xidmətləri. Yedəkləmə və itələmə xidmətləri;
maye və ya qazların saxlanması xidmətləri;
operatorsuz maşın və avadanlıqların lizinq və ya icarəyə verilməsi xidmətləri;
kompüter və əlaqəli xidmətlər;
tədqiqat və inkişaf xidmətləri;
mühasibat uçotu, audit və mühasibatlıq xidmətləri;
bazar araşdırması və rəy sorğusu xidmətləri;
menecment konsaltinq xidmətləri;
idarəetmə konsaltinq xidmətləri ilə bağlı xidmətlər;
memarlıq xidmətləri;
mühəndislik xidmətləri;
kompleks mühəndislik xidmətləri;
müvafiq elmi və texniki məsləhət xidmətləri;
texniki sınaq və təhlil xidmətləri;
reklam xidmətləri;
faydalı qazıntıların çıxarılması ilə bağlı xidmətlər;
metal məmulatların, maşın və avadanlıqların təmiri üzrə xidmətlər;
enerji paylanması ilə bağlı xidmətlər;
çirkab suların və zibillərin təmizlənməsi, kanalizasiya və digər ekoloji xidmətlər.
