İsrail hökuməti ABŞ prezidenti Donald Trampın birbaşa icazəsi və dəstəyi olmadan İranın nüvə infrastruktur obyektlərinə zərbələr endirməyə cəsarət etməyəcək .
Manset.az-ın əldə etdiyi məlumata görə, bu barədə "Financial Times" İsrail və ərəb diplomatlarına istinadən xəbər verir.
Onların fikrincə, İsrail Trampı özündən uzaqlaşdırmaq və onun dəstəyini itirmək qorxusu, həmçinin ABŞ-nin iştirakı olmadan İrana birtərəfli zərbələrin minimal təsir göstərəcəyi ilə bağlı narahatlıqlar səbəbindən Ağ Ev tərəfindən dəstəklənməyənə qədər hərbi əməliyyatlardan çəkinəcək.
Bu arada, Trampın özü də hazırda diqqətini İranın nüvə proqramı ilə bağlı diplomatik həll yollarını axtarmağa cəmləyib. Qəzetin yazdığına görə, ABŞ prezidenti Vaşinqtondan daha iddialı və daha sərt addımlar atmağa çalışan İsrailin baş naziri Benyamin Netanyahunun təzyiqlərinə boyun əymir. Qəzetin mənbələrinə görə, Netanyahu hələ prezidentin andiçmə mərasimindən əvvəl Trampı İranın nüvə obyektlərinə hərbi zərbələr endirməyə razı salmağa çalışsa da, istənilən nəticəni əldə edə bilməyib.
Eyni zamanda, Tramp vəzifəyə gəldikdən sonra Netanyahu Yaxın Şərqdə daha iddialı və cəsarətli olub, Livan, Suriya və Qəzza sektorunu fəal şəkildə hədəf alıb. Bununla belə, İsrail hökuməti Tramp administrasiyasının mövqeyinin gözlənilməzliyindən xəbərdardır, ona görə də diplomatlar onun ehtiyatlı davranacağına və İrana qarşı icazəsiz hərəkətlərlə Vaşinqtonu təxribatdan çəkindirəcəyinə inanırlar.
