Fələstinin radikal HƏMAS hərəkatı yaxın bir neçə saat ərzində İsrailin atəşkəs təklifinə rəsmən cavab verə bilər.
Manset.az xəbər verir ki, bu barədə Misirin "Əl Qahirə" televiziyası bildirib.
Kanalın mənbələri bildiriblər ki, radikallar hələ də vasitəçilər tərəfindən verilən təklifi araşdırır.
Çərşənbə axşamı Həmas İsrailin təklifində heç bir "real zəmanət" görmədiyini bildirib. Lakin bəyanatda təklifin rədd edildiyi açıq şəkildə deyilməyib.
"Asharq News" telekanalı çərşənbə axşamı bildirib ki, HƏMAS iki gün ərzində İsrailin Qəzzada yeni atəşkəs təklifinə cavab verəcək.
Xəbərə görə, Həmas xəbərdarlıq edir ki, o, Qəzzada tam və hərtərəfli atəşkəs haqqında bənd daxil olmayan heç bir təşəbbüs və ya həll yolunu qəbul etməyəcək.
Aprelin 14-də HƏMAS atəşkəs sazişi layihəsini aldığını təsdiqləyib. Əl Hadath telekanalının məlumatına görə, HƏMAS-ın tərksilah edilməsi İsrail tərəfinin irəli sürdüyü əsas şərtlərdən biridir.
