2025-ci ilin ilk rübündə Apple, qlobal smartfon bazarında ilk dəfə liderliyə yüksəlib. Counterpoint Research-ün hesabatına görə, şirkət bazar payını 19%-ə çatdıraraq iPhone 16e modeli ilə orta seqment istifadəçilərini cəlb edib.
Manset.az xəbər verir ki, Apple, Hindistan, Orta Şərq, Cənub-Şərqi Asiya, Afrika və Yaponiya kimi inkişaf etməkdə olan bölgələrdə ciddi artım nümayiş etdirib. Qlobal bazar isə illik müqayisədə 3% böyüyüb.
Buna baxmayaraq, ABŞ-Çin ticarət gərginliyi və əlavə gömrük rüsumları ilin qalan dövründə bazarda daralma riski yaradır.
Samsung isə 18% bazar payı ilə ikinci yerdədir. Şirkət Galaxy S25 və yenilənmiş A seriyası ilə satışlarını artırmağa nail olub.
