Dənizkənarı Naxodka şəhərində yeniyetmə qrupu restoran müştərilərini döyüb.
Manset.az xəbər verir ki, bu barədə “Şaripovanın Anonim Kanalı” Telegram kanalı məlumat yayıb.
Onun sözlərinə görə, insident fevralın 1-də “Naxodka Mega” ticarət mərkəzində, müəssisənin iki qonağı siqaret çəkməyə çıxan zaman baş verib. Yeniyetmələr kişilərə yaxınlaşaraq aqressiv şəkildə siqaret tələb etsələr də, rədd cavabı alıblar. Sonra qonaqlar restoranın zalına qayıdıblar, yarım saat sonra isə yenidən siqaret çəkməyə çıxıblar.
Hadisə şahidi bildirib ki, bu zaman yeniyetmə qrupu küncdən qaçaraq kişiləri yerə yıxıb. Yeniyetmələr onları təpikləməyə başlayıb, daha sonra qaçıblar.
