Rusiyada hərbi geyim geyinən şəxs yerli kollecdə “Həyat fəaliyyətinin təhlükəsizliyi” fənninin müəllimini döyüb.
Manset.az -ın məlumatına görə həmin hadisənin videosu Telegram-da yayımlanıb.
Kadrlarda iki nəfərin sinif otağına daxil olduğu görünür. O, müəllimin başına bir neçə dəfə vurub, sonra otaqdan çıxmasını əmr edib. Masa arxasında oturan uşaqlar baş verənləri izləyiblər.
İlkin məlumata görə, kişi müəllimi qızına münasibətinə görə cəzalandırıb. Şagirdlər onun bəzi uşaqlara sataşdığını bildiriblər. Zərərçəkmiş polisə ifadə verib.
