ABŞ Hərbi Dəniz Qüvvələrinə məxsus F/A-18 qırıcısı Qırmızı dəniz üzərində səhvən vurulub.
Manset.az xəbər verir ki, bu barədə "Associated Press" məlumat yayıb.
İnsident zamanı iki yerlik F/A-18 qırıcısı Amerika donanmasına aid USS Gettysburg raket kreyserinin hava hücumundan müdafiə sistemi tərəfindən hədəf alınıb.
"Raket kreyseri F/A-18 qırıcısına səhvən atəş açıb və onu vurub", – deyə ABŞ Mərkəzi Komandanlığının bəyanatında bildirilib.
Pilotlar insidentdən sonra dərhal suya atılıb və xilas ediliblər. Xilasedilən pilotlardan biri yüngül xəsarət alıb.
