Gecə telefonu şarjda qoymaq ilk baxışda məntiqli görünə bilər – səhər oyanırsınız və batareya artıq 100 faiz doludur. Amma bu vərdiş batareyanı yavaş-yavaş öldürür, onun ömrünü iki dəfə azaldır.
Manset.az Lent.az-a istinadən bununla bağlı məlumatları təqdim edir:
Niyə bu zərərlidir?
Müasir litium-ion batareyalar artıq enerji və istiliyə çox həssasdır. Gecə şarjı isə bu batareyalar üçün idealda zərərli şərait yaradır. Hətta “ağıllı” şarj cihazları belə, batareya 100 faizə çatdıqda enerjini tamamilə kəsmir. 99 faizdən 100 faizə qədər mikroşarj dövrləri bütün gecə davam edir və bu, batareya hüceyrələrini daimi yükləyərək onların kimyəvi komponentlərinin sürətlə sıradan çıxmasına səbəb olur.
Nəticə: cəmi 1 il ərzində batareyanın tutumu 20–30 faiz azalır və telefon bir neçə saatda boşalır.
İkinci təhlükə – həddindən artıq isinmə
Şarj zamanı telefon istiləşir, amma əgər o, yorğan və ya yastığın üzərindədirsə, hava dövranı olmur. Temperatur 35°C-dən yuxarı qalxdıqda, batareyanın içindəki elektrolit zədələnir – bu isə şişməyə və hətta alovlanmaya səbəb ola bilər.
Xüsusilə təhlükəlidir
Ucuz kabellər
Gərginlikdən qorunmayan adapterlər, bunlar qısaqapanmaya və yanğına yol aça bilər.
Telefonu necə düzgün şarj etməli?
Optimal şarj səviyyəsi: 20–80 faiz
Telefonu 20 faizdən aşağı salmayın
Lazım deyilsə, 80 faizdən yuxarı doldurmayın
"Batareyaya qənaət" və ya "Smart şarj" rejimi - əksər telefonlarda mövcuddur. Bu funksiyalar 80 faizdən sonra şarjı yavaşladır. Əgər 100 faizə qədər doldurmaq mütləqidirsə, gündüz edin və şarj tamamlandıqdan sonra əl ilə ayırın.
Unudanlar üçün
Taymerli rozetkalar
Wi-Fi ağıllı uzadıcılar – təyin olunmuş vaxtdan sonra enerjini avtomatik kəsir
Nəticə
Bu sadə addımlar batareyanızın ömrünü 2–3 il uzada bilər, beləliklə yeni batareyaya pul xərcləməyinizə ehtiyac qalmaz.
